MTUHUMIWA WA MADAWA YA KULEVYA AFIKISHWA MAHAKAMANI.

MAHAKAMA ya Hakimu Mkazi Kisutu

imemsomea mashtaka raia wa Nigeria, Olabisi

Ibidun Cole (65) ya tuhuma za kukamatwa na

madawa ya kulevya gramu 831.94 zenye

thamani ya shilingi za Kitanzania milioni 37.4.

Mwendesha Mashtaka, Jackson Chidunda,

alisema mbele ya Hakimu Mkazi wa mahakama

hiyo, Frank Mushi, kuwa mshtakiwa

anakabiliwa na tuhuma za kusafirisha dawa za

kulevya alipokamatwa Mei 19, mwaka huu Cole

akiwa Uwanja wa Ndege wa Kimataifa wa Julius

Nyerere alipokutwa na madawa aina ya heroin.

Baada ya kusomewa shtaka hilo mshtakiwa

hakutakiwa kujibu lolote kwa kuwa upelelezi

haujakamilika.

Kesi hiyo itasomwa tena katika mahakama hiyo

Juni 10 mwaka huu na mshtakiwa amerudishwa

rumande.

Mtuhumiwa akifikishwa mahakamai.